Европа банклари дунёнинг 110 дан ортиқ мамлакатида коронавирус инфекцияси тарқалгани туфайли 30 миллиард евро (34 миллиард доллар) миқдорида соф фойдадан маҳрум бўлиши маълум қилинди. Бу ҳақда Goldman Sachs Америка инвестбанки маълумотига таяниб Bloomberg хабар берди.
Банкнинг тахминларига кўра, фойда умумий даромаддан олиб ҳисоблаганда 7 фоизга қисқаради, хусусан, кредит таваккали ошади ва банк даромадлари камаяди. 9 март ҳолатига кўра, ушбу кўрсаткич 11 фоизга ўсган, Stoxx 600 Banks умум Европа индекси эса коронавирус ҳамда жаҳон бозорида нефть нархининг пасайишига (Brent маркали нефть нархи Лондон ICE биржасида баррел учун 33 долларгача пасайган) боғлиқ равишда инвесторлар хавотирини ошириб 5 фоизга пастлаган.
Банкларнинг даромади фоиз ставкаси ҳам Европа молия идораларининг иқтисодиётга коронавирус таъсирини камайтиришга қаратилган ҳаракатлари сабаб қисқариши мумкин.
Goldman Sachs таҳлилчилари коронавирус эпидемияси оқибатида Германия, Италия ва Грециядаги кам рентабеллик даражасига эга кредиторлар жиддий зарар кўриши, Франция ва Бенелукс давлатлари (Люксембург, Нидерландия, Бельгия) касаллик тарқалишини молиявий-иқтисодий оқибатларини енгиб ўта олишини таъкидлаган. Goldman Sachs бу борада Франциянинг BNP Paribas, Нидерландиянинг ING Groep, Испаниянинг Banco Santander ва Британиянинг HSBC Holdings банклари ҳамда молиявий корпорацияларининг қувватига юқори баҳо берган. Марказий ва Шарқий Европанинг кредит ташкилотлари орасида таҳлилчилар томонидан Erste Group Bank (Германия) ва Bank Pekao (Польша) алоҳида ажратиб кўрсатилган.
Европа банклари тадқиқотчиларнинг фикрича, охирги 10 йил ичидаги энг кучли позицияни эгаллаб турибди. Шу тариқа улар прогнозлар бўйича асосан фойда олиш борасида кўпроқ зарар кўради.
Ўтган ҳафтада Bloomberg экспертлари коронавируснинг тарқалиши пандемия даражасига кўтарилса ва энг ёмон сценарий кузатилса дунё иқтисодиётининг Буюк Британия ЯИМга тенг миқдорда 2,7 триллион доллар йўқотишини тахмин қилган. Вирус тарқалишининг оқибатлари у қадар салбий бўлмаса, иқтисодиётнинг ўсиши 2020 йил давомида 2,3 фоизга секинлашиб аввал прогноз қилинган 3,1 фоизли кўрсаткичга нисбатан камаяди.
10 март ҳолатига кўра, бутун дунёда COVID-19 коронавируси билан касалланганлар сони 113 минг нафардан ошди. Касалликдан вафот этган одамлар сони бўйича коронавирус ўчоғи бўлган Хитойдан кейин етакчи ўринда Италия бормоқда: мамлакатда жами 9172 нафар фуқаро вирусни юқтириб олган, вафот этганлар эса 463 нафарни ташкил қилган. Кейинги ўринда Эрон бормоқда 8 минг нафардан ортиқ одам касалланган, ўлганлар сони 463 нафарни ташкил этади, учинчи ўринда — Жанубий Корея (7 мингдан кўп одам касалланган, қурбонлар сони 54 нафар) қайд этилган.
Изоҳ (0)