Бразилия терма жамоасининг собиқ ҳужумчиси Роналдиньо ва унинг акаси Роберто де Ассис Морейра Парагвайга сохта паспорт билан киргани сабабли ҳибсга олинди, дея хабар қилмоқда Ultima Hora.
Футболчи ва унинг қариндоши судга қадар Парагвай миллий полицияси махсус бўлимига топширилган.
Аввалроқ Парагвай полицияси Роналдиньо ва унинг акасини ҳибсга олиши мумкинлиги хабар қилинганди. 4 март куни уларнинг меҳмонхонадаги номерида тинтув ўтказилган ва сохта паспортлар топилганди. 6 март, жума куни футболчи сўроқ қилинган ва шундан кейин қўйиб юборилган.
ABC Color’нинг хабарига кўра, Роналдиньо ва унинг акаси ишлатган паспорт икки нафар аёлга тегишли. Дастлабки тергов жараёнида собиқ футболчи паспортни Бразилияда олгани айтилганди, бироқ кейинчалик Роналдиньо уни Парагвай аэропортида олганини маълум қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)