Россия ҳудудида сўнгги бир сутка ичида коронавирус инфекциясини юқтириб олиш билан боғлиқ бешта янги ҳолат аниқланди. Бу ҳақда Россия ҳукумати ҳузуридаги коронавирусга қарши курашиш бўйича тезкор штаб маълум қилди.
Липецкда учта, Санкт-Петербург шаҳри ва Москва вилоятида эса биттадан касалланиш ҳолати рўйхатга олинган. Қўшимча қилинишича, коронавирус юқтириб олгани аниқланган липецклик ва петербурглик тўрт беморнинг бари сўнгги икки ҳафта ичида Италияда бўлиб қайтган, бешинчи бемор эса яқинда Швейцариядан қайтган.
Россияда бунгача коронавирус инфекссиясини юқтириб олиш билан боғлиқ 10 та ҳолат рўйхатга олинган эди, уларнинг олтитаси Москвада аниқланган эди. Беморларнинг уч нафари тузалишга муваффақ бўлди.
Изоҳ (0)