Фарғона вилояти Данғара туманида Nexia, Tico ва Lacetti иштирокида юз берган йўл-транспорт ҳодисаси оқибатида уч киши ҳалок бўлди. Бу ҳақда Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум қилинишича, 18 февраль, сешанба куни, соат 08:30 да А-373-Б «Қўқон шаҳрига кириш» йўлининг Данғара тумани ҳудудидан ўтган қисмининг 14-километрида ЙТҲ юз берган. Ҳайдовчи У.А. Nexia автомобилини бошқараётиб, қарама-қарши йўналишга чиқиб кетиши оқибатида қаршисидан ҳаракатланиб келаётган ҳайдовчи, Бувайда туманида яшаган Й.А. бошқарувидаги Tico машинасига ҳамда унинг ортидан ҳаракатланиб келаётган, Фурқат туманида яшовчи Ж.З. бошқарувидаги Lacetti автомобилига урилган.
ЙТҲ натижасида Tico ҳайдовчиси Й.А. ва йўловчиси М.Б. ҳамда Lacetti йўловчиси М.Х. воқеа жойида вафот этган.
Мавзуга доир: ЙҲХББ ҳайдовчилардан қор сабаб техник носоз транспорт воситаларидан фойдаланмасликни сўради
Изоҳ (0)