Маҳмуд Муродовнинг UFC’даги учинчи рақиби маълум бўлди

Ўзбекистонлик MMA жангчиси Маҳмуд Муродов (24-6, 15 КО) Тошкент вақти билан 19 апрель санасида UFC’даги учинчи жангини ўтказади.

UFC 249 мусобақаси доирасида ўтадиган жангда Муродовга мезбон Карл Роберсон (9-2, 6 КО) рақиблик қилади. Кечанинг асосий жанги эса Ҳабиб Нурмагомедов ҳамда Тони Фергюсон ўртасида ўтиши режалаштирилган.

Эслатиб ўтамиз, аввалроқ Маҳмуд Муродов UFC’даги учинчи жангида бразилиялик Антонио Карлос Juniorга (10-4) қарши рингга чиқиши ҳақида хабар берилганди. Бироқ Juniorнинг жароҳати сабаб 14 марта ўтиши керак бўлган жанг бекор қилинганди.

Маълумот учун, Маҳмуд Муродов UFC’даги дебют жангида италиялик Алессио ди Кирикони (12-4, 9 КО) очколар ҳисобига кўра, иккинчи жангида Тревор Смитни (15-10, 10 КО) учинчи раундда нокаут эвазига мағлубиятга учратган.