Ўзбекистонда 2020 йилдан бошлаб давлат томонидан пахта ишлаб чиқариш ва мажбурий сотиш режаси ҳамда унинг нархини белгилаш амалиёти бекор қилинади. Бу Президентнинг «Илм-маърифат ва рақамли иқтисодиётни ривожлантириш йили» давлат дастурига оид фармони лойиҳасида кўзда тутилган.
Ҳужжатда давлатга мажбурий ғалла сотиш режасини 35 фоизга камайтириш, қишлоқ хўжалиги соҳасида фаолият юритаётган барча турдаги хўжаликларни ялпи хатловдан ўтказиш кўзда тутилган.
Қишлоқ хўжалигини давлат томонидан қўллаб-қувватлаш жамғармаси ислоҳ қилиниб, аграр соҳанинг бошқа тармоқларига ҳам кредитлар ажратиш йўлга қўйилади.
Республикада мева-сабзавот маҳсулотларини етиштириш ва экспорт ҳажмларини кескин ошириш чоралари кўрилади. Жорий йилда 2 миллиард долларлик, кейинги 5—7 йилда эса бундан 3—4 баробар кўп мева-сабзавот маҳсулотларини экспорт қилиш учун маҳсулот етиштиришни кўпайтириш режалаштирилган.
Изоҳ (0)