Лига 1. ПСЖ камчилик қолган «Монпелье»га жавобсиз 5 та гол урди
ПСЖ клуби футбол бўйича Франция чемпионатининг 22-турида 1 февраль, шанба куни «Монпелье» билан баҳс олиб олиб борди.
«Парк де Пренс»да бўлиб ўтган баҳсда парижликлар 17-дақиқадаёқ камчилик қолган меҳмонларни йирик ҳисобда таслим этди. Майдон эгаларининг голларига Пабло Сарабия (8), Анхель ди Мария (41), Килиан Мбаппе (57) ва Левинг Курзава (65) муаллиф бўлди. Шунингдек, 44-дақиқада Даниэль Конгре ўз дарвозасини ишғол қилиб қўйди.
ПСЖ (55 очко) мағлубиятсиз сериясини давом эттирган ҳолда Лига 1 мусобақа жадвалида карвонбошилик қилмоқда.
Лига 1
22-тур баҳси
1 февраль, шанба
ПСЖ — «Монпелье» 5:0
Голлар: 1:0 — 8 Сарабия, 2:0 — 41 Ди Мария, 3:0 — 44, автогол Конгре, 4:0 — 57 Мбаппе, 5:0 — 65 Курзава.ПСЖ: Навас, Курзава, Куасси, Мене, Кимпембе, Ди Мария, Сарабия (Кавани, 69), Верратти (Паредес, 74), Гуйе, Неймар, Мбаппе (Икарди, 68).
«Монпелье»: Берто, Ойонго, Конгре, Илтон, Суке, Саванье, Ле Таллек, Ферри (Самбия, 76), Молле (Шотар, 64), Лаборд (Карвалью, 19), Делор.
Огоҳлантиришлар: Кимпембе (33), Неймар (38), Молле (39), Шотар (81), Паредес (84), Суке (86).
Четлатишлар: Берто (17), Шотар (88).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
