Тошкентнинг Шайхонтоҳур туманида инсон ўлими билан якунланган ЙТҲ юз берди, деб хабар берди Тошкент шаҳар ИИББ матбуот хизмати.
15 январь куни соат 01:55 да Лутфий ва Нурафшон кўчалари кесишмасида 28 ёшли Тошкент вилоятида истиқомат қилувчи Муроджон А. ВАЗ-2107 русумли автомобилни (давлат рақами 10 H 019 МА) тегишли рухсатномасиз маст ҳолатда бошқариб, бошқарувни бажара олмасдан йўл четига чиқиб кетган ва йўл четида савдо қилиб турган 56 ёшли Дилфуза В.ни уриб юборган. Жабрланувчи шифохонага етказилди, аммо унга кўрсатилган тиббий ёрдамга қарамасдан, олинган жароҳатлар сабабли ҳаётдан кўз юмди. Марҳуманинг яқинларига чуқур таъзия изҳор этамиз.
Ҳозирда ушбу факт бўйича Шайхонтоҳур тумани ИИО ФМБ томонидан тергов олди текшируви олиб борилмоқда.
Аввалроқ Тошкентдаги «Фарҳод» деҳқон бозори яқинида йирик ЙТҲ юз бергани ҳақида хабар берилган эди.
Изоҳ (0)