Марҳум актёр ва кунг-фу устаси Брюс Лининг қизи Хитойдаги Real Kungfu фастфуд тармоғини отасининг суратидан ноқонуний фойдалангани учун судга берди, деб хабар берди BBC.
Шеннон Лининг даъво аризаси актёрнинг суратлари ҳуқуқига эгалик қилувчи Bruce Lee Enterprises компанияси томонидан берилган.
Даъвогар логотипида Брюс Лининг суратидан фойдаланган фастфуд тармоғидан 30 миллион доллар миқдорида товон пули талаб қилмоқда.
Real Kungfu логотипида сариқ футболкадаги кунг-фу устаси акс эттирилган. Тармоқ вакиллари ушбу товар белгисини 15 йилдан буён ишлатаётганини маълум қилган.
Real Kungfu фастфуд тармоғи 1990 йилдан бери фаолият юритади ҳамда бутун Хитой бўйлаб 600 га яқин филиалга эга.
Изоҳ (0)