«Фарғона ҳудудий электр тармоқлари» АЖ томонидан 110/6 Қиргули подстанциясидан чиқувчи Юсуфбек фидерида реле ҳимоясини текшириш ишлари олиб борилиши сабабли мазкур фидеридан таъминланувчи ҳудудларда вақтинчалик электр энергияси узиб қўйилади.
Жумладан:
Фарғона шаҳридаги Марварид, Файз, Темурийлар, Шаббода, Гулшан кўчалари ҳамда Янги Марғилон ҳудудида жойлашган юқоридаги фидерга уланган истеъмолчилар ҳамда Фарғона туманининг «Чек-шўра» МФЙ ҳудудларида;
Олтиариқ подстанциясидан чиқувчи Лангар фидерида таъмирлаш ишлари олиб борилиши сабабли «Чимён», «Миндон», «Араб», «Хонқиз», «Қўрғонтепа», «Оқбилол» ҚФЙ аҳоли хонадонларида.
Шунингдек, «Обод қишлоқ» давлат дастури бўйича Ёзёвон туманининг «Иштирхон», «Такалик» МФЙлари, Учкўприк туманининг «Мирзахўжа», «Юлғунзор» МФЙ ҳудудларида янги трансформатор ўрнатилиши ҳамда сим тортилиши муносабати билан соат 08:00 дан 17:00 га қадар юқоридаги аҳоли хонадонларида вақтинча электр энергия берилиши тўхтатилади.
«Келтириладиган ноқулайликлар учун истеъмолчилардан узр сўраймиз», — дейилади хабарда.
Изоҳ (0)