Тожикистон икки томонлама шартномалар асосида 300 гектар ерни Ўзбекистонга бермоқда. Чегараларнинг делимитацияси борасидаги битим икки мамлакат ўртасидаги баҳсга якун ясаши мумкин, деб хабар беради Фараж нашри.
Фараж нашри ўз манбаларидан бирга таяниб, маълум қилишича, Ўзбекистонга берилиши керак бўлган 300 гектар ерда олтин кони мавжуд ва икки томонлама комиссияга демаркация жараёнларини якунлаш учун 10 кун керак бўлади.
Сўғд вилояти Ер ишлари қўмитаси раҳбари Жамшид Умарзоданинг сўзларига кўра, ҳозирда бу масала кўриб чиқилмоқда ва фақат Тожикистон ҳукумати ушбу мавзу бўйича изоҳ бера олади.
Таъкидлаш керакки, Ўзбекистонга бериладиган ер Мастчоҳ туманида, Оби Шифо посёлкаси яқинида жойлашган. Тожикистон ва Канада компаниялари бу ердаги «Апрелевка» олтин шахтасидан узоқ йиллардан бери фойдаланиб келади.
Изоҳ (0)