Футбол бўйича Италия А Сериясининг 8-тури доирасида 3 та учрашув бўлиб ўтди.
Карло Анчелотти қўл остидаги «Наполи» ўз майдонида «Верона»ни қабул қилди.
Беллашувнинг 37 ва 67-дақиқаларида неаполликлар ҳужумчиси Аркадиуш Милик икки бор рақиб дарвозасини ишғол қилди ва дублга эришди.
Натижада «Наполи» «Верона» устидан 2:0 ҳисобида ғалаба қозониб, 3 очкога эга бўлди.
Қайд этиш жоиз, «Наполи» 16 очко жамғарган ҳолда мусобақа жадвалида 4-ўринда бормоқда. «Верона» эса 9 очко билан 13-ўринни эгаллаб турибди.
Шу куни Маурицио Сарри бошқарувидаги Туриннинг «Ювентус» клуби ўз уйида «Болонья»ни синовдан ўтказди.
Ўйин давомида «кекса синьора» вакиллари Криштиану Роналду (19) ҳамда Миралем Пьянич (54) биттадан гол урган бўлса, меҳмонларнинг ягона голига бразилиялик ҳимоячи Данило Ларангейра (26) муаллифлик қилди.
Шу тариқа туринликлар ўз уйида кечган баҳсда «Болонья»ни 2:1 ҳисобида мағлубиятга учратди ва навбатдаги 3 очкони қўлга киритди.
Ушбу ғалабадан сўнг мусобақа жадвалини бошқариб бораётган «Ювентус» очколари сонини 22 тага етказиб олди. «Болонья» эса 9 очко йиғиб 12-ўринни банд қилиб турибди.
А Серия
8-тур баҳслари
19 октябрь, шанба
«Лацио»—«Аталанта» 3:3
Голлар: 0:1 — 23 Муриэль, 0:2 — 28 Муриэль, 0:3 — 37 Гомес, 1:3 — 69, пенальти Иммобиле, 2:3 — 70 Корреа, 3:3 — 90, пенальти Иммобиле«Наполи»—«Верона» 2:0
Голлар: 1:0 — 37 Милик, 2:0 — 67 Милик«Ювентус»—«Болонья» 2:1
Голлар: 1:0 – 19 Роналду, 1:1 – 26 Ларангейра, 2:1 – 54 ПьяничЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)