Футбол бўйича Ўзбекистон терма жамоаси устози Вадим Абрамов Яманга қарши беллашувдан олдин ўйинолди фикрлари билан бўлишиб, журналистлар саволларига жавоб қайтарди. Бу ҳақда «Дарё» мухбири хабар бермоқда.
Ўйин ҳақида
Барча кимга қарши ўйнашимизни жуда яхши билишади шу боис нима дейишни ҳам билмайман. Барча ўйиннинг аҳамиятини тушуниб турибди. Йигитлар жанговар ҳолатда.
Яманни ўрганиб чиқдингиз ва нима сизни ташвишга солмоқда?
Яман тартибли ўйнайди, оддий ўйнайди аммо Саудия Арабистонига ва Сингапурга иккитадан гол уришга эришган. Ҳужумчи тезда олдинга ўтади ва очилади. Оддий ва натижали футбол. Ҳимояда «автобус» қўяди ва катта куч билан ҳимояланади. Дарвозабон яхши ўйнайди, омади ҳам келади, омад кучлиларга кулиб боқади.
Бугунги кунда Яманда чемпионат ўйинлари бўлмаяпти, шу боис улар анчадан буён терма жамоа билан шуғулламоқда. Яъни исталган пайтда йиғилиб машғулот ўтказмоқда.
Рақиблар бизни Купер тактикаси бўйича ўрганган. Эртага бошқача тактикада ўйнаймиз ва бу бизнинг устунлигимиз бўладими?
Умид қиламанки, биз бошқача ўйнаймиз. Аммо айнан қандай ўйнашимизни билмайман. Доскада Яманни мағлуб этиб бўлгандирмиз, энди уларни майдонда ҳам юта олишимиз керак. Қадрдон деворлар доим ёрдам беради ва эртага кўплаб мухлислар қаршисида ғалаба қозонишни истайман.
Эртага Аҳмедов асосий таркибда майдонга тушадими?Одил Аҳмедовда кичик жароҳат бор эди. Бугунги расмий машғулотдан кейин буни ҳал қиламиз.
Сиз учун ҳозир нима муҳим? Натижами ёки чиройли ўйин?
Бу гуруҳдан чиқишга ҳаракат қиламиз. Агар яхши ўйнасак очколар ҳам бўлади. Ҳам чиройли ўйин намойиш этиш, ҳам натижага эришишга ҳаракат қиламиз.
Агар кейинги босқичга чиқа олсак, Осиё Кубогига ҳам йўлланмани қўлга киритамиз. Шу томонлама ҳам босим йўқми?
Ҳозир фақат Яман ҳақида ўйлаяпмиз. Ундан кейин эса Сингапурга сафар қиламиз. Узоқ парвоздан кейин футболчилар тикланиб, ғалаба қозонишлари керак бўлади. Бу ҳам ўзига яраша қийин.
Купер даврида футболчилар битта қобиқ ичида ўйнашганди, футболчиларни ўша қобиқдан чиқара олдингизми? Ўз услубингизга мослаштира олдингизми?
Купер ҳақида ҳеч нима дея олмайман. Ўз фалсафамни йигитларга етказиб беришга ҳаракат қилдим. Олимпия терма жамоаси билан баҳсда нимадир ўхшади, нимадир ўхшамади. Эртанги ўйинда ўз футболчиларимга ишонаман.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)