Columbus Direct тадқиқот компанияси экспертлари дунёдаги энг кўп ташриф буюриладиган ва туристлар билан тўлиб-тошган манзиллар рейтингини эълон қилди.
Мутахассислар мазкур рўйхатни бир кунда бир квадрат милга (бу ўлчов 2,58999 квадрат километрга тенг) тўғри келадиган туристлар сонидан келиб чиқиб тузди.
Аниқланишича, ҳар бир квадрат милга тахминан 5 минг сайёҳ тўғри келадиган Таиланддаги Пхукет ороли туристлар билан энг гавжум жой ҳисобланади.
Кейинги ўринларда Испаниянинг Пальма-де Майорка шаҳри (2,9 минг турист), Таиланднинг Паттайя шаҳри (2,7 минг) ва Париж (1000 киши) қайд этилди.
Шунингдек, туристлар оқими тўхтамайдиган манзиллар ўнталигига Барселона (бир квадрат милга 605 нафар турист), Куала-Лумпур (367), Милан (344), Осака (268), Сингапур (127) ва Нью-Йорк (119 нафар турист) ҳам кирди.
Изоҳ (0)