Марказий ҳарбий округдаги «Каттақўрғон» полигонида доимий жанговар шайликдаги ҳарбий қисм шахсий таркиби билан катта масштабдаги амалий отиш машғулоти ўтказилди. Бу ҳақда Марказий ҳарбий округ матбуот хизмати «Дарё»га маълум қилди.
Хабар қилинишича, кўргазмали амалий машғулотда Самарқанд, Жиззах ҳамда Навоий гарнизонидаги ҳарбий қисм командирлари ва уларнинг ўринбосарлари, батальон ва взвод командирлари иштирок этган. Янгича тизимдаги отиш машқларида 40 дан ортиқ ўқув жойларида бир вақтнинг ўзида барча мутахассисликлар бўйича амалий машғулотлар бажарилган.
https://youtu.be/CSmy_y65T7o
«Каттақўрғон» полигони ҳудуди ва салмоғи жиҳатидан Ўзбекистондаги энг катта дала ўқув майдони ҳисобланди. Бу ерда биринчи маротаба отиш тайёргарлиги бўйича катта масштабдаги машғулот ўтказилмоқда», — дейилади хабарда.
Изоҳ (0)