Президент мактабларининг асосий имтиҳонларида иштирок этган, юқори балл йиғиб ўқишга қабул қилинмаган номзодлар республикадаги ихтисослаштирилган таълим муассасаларига имтиҳонсиз қабул қилинади. Бу ҳақда Халқ таълими вазирлиги ахборот хизмати хабар қилади.
Ихтисослаштирилган мактабларга 5-синф ва 7-синфга ўтаётган ўқувчилар қабул қилинади.
Ихтисослаштирилган мактаблар ва уларда ўқишга тавсия этиладиган ўқувчилар рўйхати яқин вақт ичида «pm.xtv.uz» сайтида чоп этилади.