21 август, чоршанба куни футбол бўйича Ўзбекистон Кубогининг чорак финал учрашувларига старт берилди.
Куннинг дастлабки ўйинида Миржалол Қосимов қўл остидаги Омалиқнинг ОКМК жамоаси «Оқтепа» клубига қарши майдонга тушди.
Учрашув давомида Олмалиқ клуби ярим ҳимоячиси Дилшод Жўраев (22) ўз номига битта гол ёздириб қўйган бўлса, ҳужумчи Элгужа Григалашвили ҳет-трикка эришди (43, 44, 53). «Оқтепа» клубидан эса Павел Пуришкин ОКМК дарвозасини 3 бор аниқ нишонга олди (48, 49, 87).
Шу тариқа ОКМК мусобақанинг чорак финалида «Оқтепа»ни 4:3 ҳисобида мағлубиятга учратди ва кейинги босқич йўлланмасини қўлга киритди.
Шу куни Вадим Абрамов бошлиқ Тошкентнинг «Бунёдкор» жамоаси Жиззахнинг «Сўғдиёна»си билан баҳсга киришди.
Беллашувда жиззахликлар ярим ҳимоячиси Жасур Ҳасанов томонидан киритилган голга (2) «қалдирғочлар» Миржаҳон Мираҳмадов (55) ҳамда Шоҳрух Гадоевнинг (90+4) голлари билан жавоб қайтарди.
Натижада «Бунёдкор» «Сўғдиёна» билан кечган баҳсда кичик устунлик билан ғалаба қозонди ва 1/2 финалга йўл олди.
Ўзбекистон Кубоги
1/4 финал баҳслари
21 август, чоршанба
«Оқтепа»—ОКМК 3:4
Голлар: 0:1 — 22 Дилшод Жўраев, 0:2 — 43 Элгужа Григалашвили, 0:3 — 44 Элгужа Григалашвили, 1:3 — 48 Павел Пуришкин, 2:3 — 49 Павел Пуришкин, 2:4 — 53 Элгужа Григалашвили, 3:4 — 87 Павел Пуришкин«Сўғдиёна»—«Бунёдкор» 1:2
Голлар: 1:0 — 2 Жасур Ҳасанов, 1:1 — 55 Миржаҳон Мираҳмадов, 1:2 — 90+4 Шоҳрух ГадоевЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)