Германия канцлери Ангела Меркель 2021 йили Бундестагда бўлиб ўтадиган навбатдаги сайловлардан сўнг, сиёсат билан фаол равишда шуғулланиш ниятида эмаслигини маълум қилди, деб хабар беради «Korrespondent.net».
«Ҳа, энди фаол сиёсий лавозимларни эгаллашни хоҳламайман. Албатта, мен сиёсий одамлигимча қоламан, бироқ сиёсат билан фаол шуғулланмайман», — дейди Меркель.
Канцлернинг таъкидлашича, у бу ишни ҳатто Европа Иттифоқи даражасида ҳам қилиш ниятида эмас. «Европа Иттифоқидаги барча ўринлар тақсимлаб бўлинди», — дейди канцлер.
Тармоқларда бунга қадар бир неча марта Ангела Меркелнинг учрашувлар чоғида мазаси қочиб қолгани тасвирланган видеолар тарқалган эди. Хусусан, июнь ойида Украина президенти Владимир Зеленский билан учрашув вақтида Меркелни қалтироқ тутганди.
Изоҳ (0)