«Қўқон» эркин иқтисодий зонасида Smart city барпо этилади

«Қўқон» эркин иқтисодий зонасида Smart city барпо этилиши ҳақида Вазирлар Маҳкамасинининг «Фарғона вилоятида инвестиция лойиҳаларини амалга оширишни жадаллаштириш ва саноатни ривожлантириш чора-тадбирлари тўғрисида»ги қарорида келтирилган, дея Spot хабар беради.

Қарорга мувофиқ, 2019—2020 йилларда Фарғона вилояти саноатини ривожлантиришнинг асосий кўрсаткичлари, 2019—2021 йилларда амалга ошириладиган инвестиция лойиҳаларининг манзилли рўйхати тасдиқланди.

Рўйхатда Smart city барпо этилиши ўрин олган, унинг ташаббускори «Чхонг-Хе» компанияси ҳисобланади.

Лойиҳа қиймати 4,1 трлн сўмга баҳоланган бўлиб, 500 млн АҚШ доллари қийматида хорижий инвестиция жалб этилади.

Smart city’ни 2025 йилнинг охирида ишга тушириш режалаштирилмоқда.