Ҳиндистонлик стендап-комик Манжунатх Найду Дубайда томоша вақтида вафот этди, деб хабар беради «Газета.ru». Унинг ўлимига юрагининг тўхтаб қолиши сабаб бўлган.
Найду шоу охирида саҳнага чиққан. Кутилмаганда у томошабинларга ўзини ёмон ҳис қилаётганини айтиб, саҳнага ўрнатилган ўриндиққа ўтирган. Бироздан кейин эса ерга йиқилган.
Томошабинларнинг кўпчилиги буни шоунинг бир қисми деб қабул қилган, аммо 1—2 дақиқадан кейин томоша бўлиб ўтаётган Clavichord Signature меҳмонхонаси ходимлари саҳнага югуриб чиқиб, 36 ёшли қизиқчига ёрдам беришга уринган. Воқеа жойига етиб келган шифокорлар ҳам уни ҳаётга қайтаришга ҳаракат қилган, аммо бу бесамар кетган.
Изоҳ (0)