Германиянинг «Дессауэр-97» клуби (мамлакат чемпионатининг 6-дивизион вакили) 30 ёшли ярим ҳимоячиси Штефан Ҳаберман 16 июль, сешанба куни машғулотлар вақтида оламдан ўтди. Бу ҳақда клубнинг расмий сайтида хабар берилди.
«Жуда ҳам оғир жудолик. Сўз билан таърифлаб бўлмайди. Штефаннинг оила аъзоларига ҳамда яқинларига ўзимизнинг чуқур ҳамдардлигимизни изҳор этамиз. Биз уни ҳам инсон сифатида, ҳам футболчи сифатида узоқ йиллар ёдда сақлаймиз.
Биз ҳар доим сен ҳақингда фақат яхши нарсаларни эслаб қоламиз», — дейилади клуб матбуот хизмати берган хабарда.
Маълумот учун, Ҳаберман 2010 йилдан буён «Дессауэр» шарафини ҳимоя қилиб келаётганди. Шу вақтга қадар у клуб сафида 253 та учрашувда майдонга тушиб, 21 та гол уришга муваффақ бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)