Расман: «Барселона» яна бир трансферни амалга оширди

Испаниялик ҳимоячи Марк Кукурелья «Эйбар»дан «Барселона»га қайтди, дея хабар берди Каталония клуби расмий сайти.

Каталонияликлар 20 ёшли футболчини қайта сотиб олиш вариантидан фойдаланди. Маълумот учун, у «кўк-анорранглилар» академиясига 2012 йилда келганди.

Эслатиб ўтамиз, Кукуреля ўтган мавсумни «Эйбар»да ижара асосида ўтказди, кейинчалик эса клуб уни 2 миллион еврога сотиб олганди. Лекин «Барселона»да футболчини 4 миллион еврога қайтариб олиш имконияти бор эди.

Каталония клуби Кукуреляни Жорди Албага ўринбосар сифатида олиб қолиши ёки бошқа клубга каттароқ маблағга сотиб юбориши борасида қарор қабул қилиши керак эди ва клуб ўз қарорини футболчини сотиб олиш билан эълон қилди.