Ғофур Раҳимов AIBA президентилигидан бутунлай кетди
AIBA собиқ президенти Ғофур Раҳимов ташкилот раҳбарлиги лавозимини бутунлай тарк этди. Бу ҳақда AIBA’нинг расмий сайтида хабар берилди.
Аввалроқ Раҳимов вақтинчалик истеъфога чиққани ва унинг ўрнига Муҳаммад Мустасан Халқаро бокс ассоциацияси президенти лавозимига тайинлангани ҳақида хабар берилганди.
Россия Бокс федерацияси бош котиби Умар Кремлёв Ғофур Раҳимовнинг лавозимини тарк этиши лозимлигини ва ташкилотни банкротликкача олиб келгани учун бокс жамоасидан узр сўраши кераклиги ҳақида маълум қилганди.
Халқаро олимпия қўмитаси (ХОҚ) AIBA’нинг ваколатларини чеклаб қўйди. Бокс ассоциациясининг ҳуқуқлари Олимпиада—2020 мусобақасидан сўнг қайта тикланиши мумкин.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
