«Реал» ярим ҳимоячиси Матео Ковачич расман Лондоннинг «Челси» клубига ўтди. Бу ҳақда Мадрид клубининг расмий сайтида хабар берилди.
«Клуб Ковачичга йиллар давомидаги фаолияти давомида ўзининг фидойилиги, профессионаллиги ҳамда барчага ўрнак бўлган хулқ-атвори учун миннатдорчилик билдиради. Биз унинг янги босқичдаги карьерасида улкан зафарлар тилаймиз», — дейилади «Реал» матбуот хизмати берган маълумотда.Эслатиб ўтамиз, Матео 2015 йилнинг ёзида «Реал»га «Интер»дан 35 миллион евро эвазига келиб қўшилганди. 2018 йилнинг 8 августида эса Ковачич «Челси»га ижара асосида ўтганди.
Маълумот учун, Ковачич ортда қолган мавсум Англия Премьер лигасида 32 та учрашувда майдонга тушиб, 2 та голли пас берди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)