Тошкентда самарқандлик эркак шаръий никоҳдаги хотинини пичоқлаб ўлдирди, дея хабар бермоқда «Jahon.uz».
1978 йил 25 сентябрь куни Самарқанд вилоятида туғилган Ё.Қ. (Жиноят ишлари бўйича Тошкент шаҳар Шайхонтоҳур туман судининг 2002 йил 4 мартдаги ҳукмига кўра, Ўзбекистон Республикаси Жиноят кодекси (ЖК) нинг 266-моддаси 1-қисми, 117-моддаси 1-қисми билан ЖКнинг 59-моддаси тартибида, Жиноят ишлари бўйича Тошкент шаҳар Шайхонтоҳур туман судининг 2003 йил 18 декабрдаги ҳукмига кўра, Ўзбекистон Республикаси ЖКнинг 277-моддаси 2-қисми «а» банди билан судланган) Тошкент шаҳар, Учтепа тумани, 15-мавзе, 12-уй, 55-хонадонда шаръий никоҳига олиб, М.М. исмли аёл билан 2017 йилнинг ёзидан бошлаб яшаб келган.
Ё.Қ. ва М.М. яшаш вақтларида рашк сабаб ўзаро жанжаллашиб келган. Давомли келишмовчиликдан сўнг, М.М. ўз онасига тегишли бўлган хонадондан Ё.Қ.ни ҳайдаб чиқариб юборган ва бир бошқа яшамаслигини билдириб, уйига қайтариб киргизмаган.
Бундан дарғазаб бўлган Ё.Қ. ошхона пичоғи билан қуролланиб, Учтепа тумани, 15-мавзе, 16-уй олдидаги автотураргоҳ олдида аёлнинг уйдан чиқишини пойлаб туриб, у уйдан чиқиб автотураргоҳда турган Lacetti русумли автомашинасига келиб ўтирган вақтида, Ё.Қ. унинг ортидан автомашина олдига келиб, ўнг қўлидаги ошхона пичоғининг ёғоч дастасининг тўмтоқ қисми билан автомашинанинг ҳайдовчи олд чап эшиги ойнасини уриб синдириб, сўнгра танасининг бош қисми билан автомашинанинг синган ойнасидан салонига киргани ҳолда қўлидаги ошхона пичоғи билан ҳайдовчи ўриндиғида ўтирган шаръий турмуш ўртоғи М.нинг танасининг бўйин ва бошқа соҳаларига бир неча марта уриб қасддан ўлдириб, воқеа жойидан қочиб кетган.
Жиноят ишлари бўйича Тошкент шаҳар судининг ҳукмига кўра, Ё.Қ. Ўзбекистон Республикаси Жиноят кодексининг 97-моддаси (Қасддан одам ўлдириш) 1-қисми билан 14 йил озодликдан маҳрум қилинди.
Изоҳ (0)