Путиннинг қўриқчилари Си Цзиньпин саҳнадан йиқилиб тушаётганда қутқариб қолди (видео)

Санкт-Петербург халқаро иқтисодий форумининг ялпи мажлисидан сўнг Хитой вакили Си Цзиньпинни журналистлар саҳнадан йиқитиб юборишига оз қолди. Бу ҳақда «РИА Новости» хабар берди.

Тадбир тугаши билан турли мамлакат делегация вакиллари ва журналистлар саҳна олдига югуриб келди. Уларнинг баъзилари спикерга савол беришга шошилган, баъзилари эса суратга олиш мақсадида келган.

Уларнинг орасида энг фаоли Хитой делеграцияси бўлиб чиқди. Улар ўз раҳбарлари билан баланд овозда саломлашди ва турли йўллар билан Цзиньпиннинг эътиборини тортди. Си Цзиньпин эса улардан бири билан қўл сиқишиб саломлашди ва саҳнадан йиқилиб кетишига оз қолди. Уни Россия президентининг қўриқчилари тутиб қолишга муваффақ бўлди. Шундан сўнг хитойлик раҳбар зални тарк этди.

https://twitter.com/Kremlinpool_RIA/status/1137014232124416001

Санкт-Петербург халқаро иқтисодий форуми 6—8 июнь кунлари бўлиб ўтди.