Бош прокуратура ҳузуридаги Департаментнинг Фарғона вилоят бошқармаси ва вилоят ИИБ ходимлари томонидан ҳамкорликда тезкор тадбир ўтказилди.
Фарғона политехника институти ўқув услубий бошқарма бошлиғи М.А. фуқаро Н.К.нинг мазкур институт 1-курсида, «Қурилиш» йўналиши бўйича таҳсил олаётган келинининг ўқишини «Иқтисодиёт» йўналишига кўчириб бериш эвазига 3.000 доллар талаб қилгани аниқланди. У мазкур маблағдан ярмини олаётган вақтида ашёвий далилар билан ушланди.
Мазкур ҳолат юзасидан М.А.га нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)