Ижтимоий тармоқларда Самарқанд шаҳрида светофорнинг қизил чироғи ёниб турганига қарамай, Damas ҳаракатни давом эттирган ва пиёдалар ўтиш жойидан ўтаётган ўқувчи қизни уриб юборган видео тарқалди.
Самарқанд вилоят ИИБ Йўл ҳаракат хавфсизлиги бошқармаси берган маълумотга кўра, мазкур воқеа 2019 йилнинг 21 май куни соат тахминан 11:30 атрофида Самарқанд шаҳар Панжакент кўчасида содир бўлган.
1966 йилда туғилган Ургут тумани Гулобод маҳалласида яшовчи Н.Қ. ўзи бошқарувида бўлган Damas автомашинасида пиёда, вояга етмаган 2011 йилда туғилган Самарқанд шаҳрида яшовчи Ф.Т.ни уриб юборган.
Натижада Ф.Т. Республика шошилинч тез тиббий ёрдам илмий маркази Самарқанд филиалига олиб борилган ва текширувлардан ўтказилиб, даволанишга ётқизилган.
Ҳозирда мазкур ҳолат юзасидан Самарқанд шаҳар ИИО ФМБ ҳузуридаги Тергов бўлими томонидан суриштирув ишлари олиб борилмоқда.
Изоҳ (0)