«Наполи» ҳужумчиси Дрис Мертенс Италия А Сериясининг 35-турида «Кальяри» билан кечган баҳсда битта голга муаллифлик қилди (2:1).
Бу бельгияликнинг «Наполи» сафидаги 107-голи бўлди. Натижада у клуб тарихида тўпурарлар баҳсида 3-ўринни эгаллаб турган «Наполи» собиқ ҳужумчиси Аттила Саллустрога яқинлашиб олди. Унинг ҳисобида 108 та гол мавжуд.
Gracenote Live’нинг хабар беришича, Мертенс «Наполи» таркибида А Серияда 82 та голга муаллифлик қилди. Ушбу кўрсаткичда у клуб собиқ ҳужумчиси Диего Марадонани ортда қолдириб (81 та гол), 3-поғонага кўтарилиб олди.
Биринчи ва иккинчи ўринларни Антонио Вояк (102) ва Марек Ҳамшик (100) эгаллаб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)