Бундеслига. «Бавария» «Ҳанновер»ни қабул қилади, «Боруссия Д» эса «Вердер» майдонига сафар қилади
3 май, жума жуни футбол бўйича Германия Бундеслигасининг 32-тур ўйинлари бошланди.
Турнинг дастлабки учрашувида «Лейпциг» сафарда «Майнц» билан дуранг ўйнади (3:3).
Беллашувнинг 20 ва 32-дақиқаларида меҳмон жамоа аъзоси Лукас Клостерманн дублга эришган бўлса, 43-дақиқага келиб «Майнц» ҳужумчиси Карим Онисиво ҳисобни қисқартирди (2:1). Орадан олти дақиқа ўтиб «Лейпциг» ҳужумчиси ҳисобни 3:1 кўринишига олиб келди. 67-дақиқада мезбон жамоа аъзоси Мусса Ниахате, 83-дақиқада эса Жан-Филипп Матета рақиб дарвозасини ишғол қилди (3:3).
4 май, шанба куни мусобақа жадвалида етакчилик қилаётган Мюнхеннинг «Бавария» клуби ўз майдонида «Ҳанновер»ни синовдан ўтказади. Учрашувга Тошкент вақти билан соат 18:30 да старт берилади. Маълумот учун, Нико Ковач шогирдлари 31-турда «Ньюрнберг» билан дуранг ўйнаганди (1:1).
Куннинг сўнгги баҳсида мусобақа жадвалида 2-ўринда бораётган Дортмунднинг «Боруссия» жамоаси «Вердер» майдонига сафар қилади. Учрашув соат 21:30 да бошланиши белгиланган. Эслатиб ўтамиз, дортмундликлар аввалги турда ўз майдонида «Шальке-04»га мағлуб бўлганди (2:4).
Бундеслига
32-тур баҳслари
3 май, жума
«Майнц»—«Лейпциг» 3:3
Голлар: 0:1 — 20 Клостерманн, 0:2 — 32 Клостерманн, 1:2 — 43 Онисиво, 1:3 — 49 Вернер, 2:3 — 67 Ниахате, 3:3 — 83 Матета4 май, шанба
«Бавария»—«Ҳанновер» 18:30
«Вольфсбург»—«Ньюрнберг» 18:30
«Боруссия М»—«Ҳоффенҳайм» 18:30
«Ҳерта»—«Штутгарт» 18:30
«Вердер»—«Боруссия Д» 21:30
5 май, якшанба«Шальке-04»—«Аугсбург» 16:30
«Фрайбург»—«Фортуна Д» 18:30
«Байер Леверкузен»—«Айнтрахт Ф» 21:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
