Францияда мавсумнинг энг яхши мураббийи номига даъвогарлар эълон қилинди

Франция профессионал футболчилар уюшмаси (UNFP) мавсум якунига кўра мамлакат олий дивизионининг энг яхши мураббийи номига даъвогарларни маълум қилди.

Унга кўра 5 нафар мутахассис ушбу номга даъвогарлик қилмоқда:

Кристоф Галте («Лилль»), Давид Гион («Реймс»), Бруно Женезио («Лион»), Тьерри Лоре («Страсбург»), Томас Тухел (ПСЖ).

ПСЖ, «Лилль» ва «Лион» мусобақа жадвалида кучли учталикдан ўрин эгаллаб турган бўлса, «Реймс» клуби 8-ўринда бормоқда. «Страсбург» эса 10-поғонадан жой олган.

Эслатиб ўтамиз, аввалроқ жорий мавсум якунига кўра Франция чемпионатида энг яхши ўйинчи номига даъвогарлар маълум бўлганди.