Непал шимоли-ғарбида жойлашган Хумла туманида 200 дан зиёд киши номаълум касалликни юқтириб олган, улардан 10 нафари ҳаётдан кўз юмган. Бу ҳақда «РИА Новости» хабар бермоқда.
Хабарга кўра, Хумла тумани раҳбари ўтган ҳафтада ҳудуднинг бир нечта қишлоқларида номаълум касаллик тарқалгани, асосан кекса ёшли кишилар ва болалар унинг қурбонини бўлаётганини маълум қилган. Унинг сўзларига кўра, номаълум касаллик эпидемияси деярли ҳар йили олис қишлоқларда хуруж қилиб туради.
Қайд этилишича, маҳаллий ҳукумат эпидемия авж олган қишлоқларга шифокорлар гуруҳларини жўнатган.
«Ҳозирда шифокорларимиз беморларга ёрдам кўрсатишни бошлаган, касалликни аниқлаш мақсадида қон таҳлиллари олинмоқда», — деган Хумла тумани раҳбари.
Изоҳ (0)