Ўзбекистон сув омборларида ёмғирлар ҳисобига сув миқдори икки баробарга ошди

Ўзбекистондаги сув омборларида 12 миллиард 400 миллион куб миқдорида сув мавжуд бўлиб, уларнинг 2 миллиард куби ушбу апрель ойидаги ёмғирлар ҳисобига тўлган. Бу ўтган йилгига нисбатан икки баробар кўп дегани. Бу ҳақда Халқаро Пресс-клубнинг қишлоқ хўжалигига оид навбатдаги сессиясида Сув хўжалиги вазирининг ўринбосари Равшан Мамутов маълум қилди, деб ёзади Uz24.

Унинг айтишича, жорий йил йирик сув омборларидан бири бўлган Чорвоқ сув омборида сув миқдори 1 миллиард кубдан ошган, июнь ойининг биринчи ўн кунлигига қадар сув миқдори 1 миллиард 700 миллион кубга чиқиши кутилмоқда.