ЕЧЛда ҳафтанинг энг яхши ўйинчиси маълум бўлди

Европа Чемпионлар Лигаси чорак финалининг жавоб ўйинларидан сўнг ҳафтанинг энг яхши ўйинчиси маълум бўлди. Бу ҳақда мусобақанинг Twitter’даги расмий саҳифасида эълон қилинди.

Ушбу номга «Барселона» ҳужумчиси Лионель Месси лойиқ деб топилди.

Эслатиб ўтамиз, у чорак финалнинг жавоб ўйинида «Манчестер Юнайтед» дарвозасига 2 та гол урганди (3:0).

Аргентиналик бу йўлда Маттейс де Лигт («Аякс»), Сон Ҳён Мин («Тоттенҳэм»), Роберто Фирминони («Ливерпуль») ортда қолдирди.

ЕЧЛда ҳафтанинг энг яхши ўйинчиси номига қуйидаги 4 нафар футболчи даъвогарлик қилганди:

• Лионель Месси («Барселона») — 2 та гол
• Маттейс де Лигт («Аякс») — 1 та гол
• Сон Ҳён Мин («Тоттенҳэм») — 2 та гол
• Роберто Фирмино («Ливерпуль») — 1 та гол