Фарғона вилояти, Ўзбекистон туманида 2019 йилнинг ортда қолган уч ойида қарздорлардан 675, 2 миллион сўм ундирилди, деб хабар беради «Дарё»га туман Мажбурий ижро бюроси.
2019 йил биринчи чорагида алимент пулларини қасддан тўламаган 17 нафар қарздорга нисбатан Ўзбекистон Республикаси МЖтКнинг 474-моддасига асосан 15 сутка маъмурий қамоқ жазо чораси қўлланилган. Фарзандлари учун алимент пулларини қасддан тўламасдан яшириниб юрган 5 нафар қарздорга нисбатан қидируув эълон қилинган.
Бюро ходимлари томонидан иш юритувидаги 1671 та ижро ҳужжатларидан 31 таси амалда тўлиқ ижро этилган бўлса, 103 таси Ўзбекистон Республикаси «Суд ҳужжатлари ва бошқа органлар ҳужжатларининг ижро этиш тўғрисида»ги Қонунининг 40-моддасига асосан тамомланган.
Таъкидланишича, ижро ҳужжатлари бўйича олиб борилган тушунтиришлар натижасида 23 та ёш оила яраштирилишига эришилган.
Изоҳ (0)