16 апрелнинг эътиборга молик янгиликлари — «Дарё» дайжестида.
Шавкат Мирзиёев Туркияда «Йил давлат арбоби» деб топилди.
Туркиянинг «Ипакйолу» стратегик тадқиқотлар маркази ва Broadcasting group томонидан ташкил этилган маросимда Туркия дунёсига қўшган ҳиссаси учун бир қанча сиёсатчи, вазир ва йирик тадбиркорлар тақдирланди.
***
Фарғонада кўршапалак уясини саратон касалига даво деб, фуқарони 15 300 долларга чув туширган шахс қўлга олинди.
Уни алдаб, қурилиш материалидан ишланган нарсани «кўршапалак уяси» деб берган. Эвазига унинг 15 300 доллар (125 583 012 сўм) пулини фирибгарлик йўли билан қўлга киритган.
***
Қашқадарё вилояти Деҳқонобод туманида жойлашган катта автомобиль йўли кучли ёмғир ёғиши оқибатида ўпирилиб тушди.
15 апрелдан 16 апрелга ўтар кечасидан бошлаб ёққан ёмғир оқибатида Самарқанд шаҳрининг бир қатор кўчалари қаторида айрим маҳалларини ҳам сув босди.
***
Тошкент ҳудуди кенгайтирилади: Зангиотадаги Ўзгариш қишлоғи Сергели тумани таркибига ўтказилди.
Ўтказиладиган қишлоқда 4 та МФЙ («Пастдархон», «Юқоридархон», «Чорбоғ», «Боғзор») мавжуд бўлиб, ҳудуди 428 гектарни ташкил этади.
***
Тошкентда уч опа-сингилнинг ўлимида айбдор деб топилган шифокор тўлиқ оқланди.
Ўтган йилнинг октябрида Республика ихтисослаштирилган илмий-амалий педиатрия тиббиёт маркази шифокори 34 ёшли Нодир Тўлаганов Жиноят кодексининг 116-моддаси (касб юзасидан ўз вазифаларини лозим даражада бажармаслик) бўйича айбдор деб топилиб, 6 йилга озодликдан маҳрум қилинган эди.
Изоҳ (0)