Ўзбекистонда мактаблар рейтинги имтиҳонларида бир ўқувчи ўрнига бошқа ўқувчи кириши аниқланди
Жорий йилнинг 8 апрель куни Ўзбекистонда умумтаълим муассасалари рейтингини аниқлаш доирасида назорат ишлари ва сўровномалар ўтказилиши бошланди ва у 15 апрелгача давом этади. Бу ҳақда ЎзА хабар берди.
Таълим сифатини назорат қилиш давлат инспекцияси ходимлари томонидан Бухоро вилояти Бухоро шаҳридаги 17-сонли мактабдан имтиҳон жараёнида 3 нафар ўқувчи ўрнига бошқа ўқувчиларнинг имтиҳонга киргани, 35- ва 38-сонли мактабларда ҳам имтиҳон олинаётган синфга бошқа синф ўқувчиларининг киритилганлик ҳолатлари аниқланган. Ушбу жараёнда имтиҳон тўхтатилиб, далолатнома тузилган.
Ушбу мактаблар Халқ таълими вазирлиги томонидан рейтингда иштирок этиш учун вилоятдаги энг наъмунали мактаб сифатида танланиб, Таълим сифатини назорат қилиш давлат инспекциясига тақдим қилинган эди.
