Вазирлар Маҳкамаси ҳузуридаги дин ишлари бўйича қўмита раиси ўринбосари Нуримон Абулҳасан бошчилигидаги ишчи гуруҳ 7—12 март кунлари Саудия Арабистонида хизмат сафарида бўлди, деб ёзади «Azon.uz».
Улар Ҳаж ва Умра зиёратларини ташкил этиш механизмларини ва бозорларни ўрганган.
Макка ва Мадина шаҳарларида зиёратчиларга хизмат кўрсатувчи компаниялар томонидан Ўзбекистондан борадиган зиёратчиларга тақдим этилаётган меҳмонхона, транспорт воситалари, овқатланиш хизматларининг сифатига, қўшимча шароитларга эътибор қаратган.
Хабарда айтилишича, зиёратчилар илк маротаба Мадина шаҳрида беш юлдузли Замзам Пулман, Макка шаҳрида тўрт юлдузли Аброжир Кисуа меҳмонхоналарида истиқомат қилади.
Шунингдек, ушбу меҳмонхоналарда ўзбек ошпазлари тайёрлаган тансиқ таомлар берилади, бепул тиббий хизмат йўлга қўйилган.
Мавзуга доир: Ҳаж сафари харажатлари арзонлашади
Изоҳ (0)