Самарқанд халқаро аэропортига «Истанбул—Самарқанд» йўналишидаги авиарейс билан учиб келган Ўзбекистон Республикаси фуқароси Х.Ю. божхона назорати зонасидан ўтаётганда унинг хатти-ҳаракатлари божхоначилар эътиборини тортди, деб хабар бермоқда Самарқанд вилояти божхона бошқармаси ахборот хизмати.
Божхона ходимлари фуқарога тегишли бўлган багаж сумкасини холислар иштирокида кўздан кечирганда божхона декларациясида ёзиб кўрсатилмаган, қиймати 11 миллион сўмликдан зиёд диний мазмундаги китоблар борлиги аниқланди.
Фуқаро Х.Ю. Маъмурий жавобгарлик тўғрисидаги кодекснинг 33-моддасига асосан энг кам ойлик иш ҳақининг бир баравари миқдорида жарима жазосига тортилди. Ҳуқуқбузарлик ашёси сифатида олинган китоблар эса давлат фойдасига мусодара қилинди.
Самарқанд вилояти божхона бошқармаси ходимлари 2018 йилнинг март ойидан жорий йил март ойига қадар жами 357 дона (41 миллион сўмликдан ортиқ) диний мазмундаги китобларнинг ноқонуний йўллар билан республикага олиб келишининг олдини олди.
Изоҳ (0)