5 март, сешанба куни футбол бўйича Европа Чемпионлар Лигаси 1/8 финалининг дастлабки 2 та жавоб учрашуви ўз ниҳоясига етди.
Люсен Фавр бошқарувидаги «Боруссия Дортмунд» клуби ўз майдонида Маурисио Почеттино бошлиқ Лондоннинг «Тоттенҳэм» жамоаси билан мусобақа чорак финал йўлланмаси учун кураш олиб борди.
Учрашувнинг 49-дақиқасида Ҳарри Кейн томонидан урилган гол «шпорлар»га ғалаба келтирди.
Шу тариқа Лондон клуби «Боруссия Дортмунд»ни икки ўйин натижасига кўра 4:0 ҳисобида мағлубиятга учратди ва мусобқанинг 1/4 финалига чиқди.
Мадриднинг «Реал» клуби «Сантьяго Бернабеу»да Амстердамнинг «Аякс» жамоаси билан баҳсга киришди.
Беллашувнинг 7-дақиқасида «Аякс» аъзоси Ҳаким Зиёш ҳисобни очган бўлса, орадан 11 дақиқа ўтиб, Давид Нерес ҳисобни 2:0 кўринишига олиб келди. Иккала голга ҳам Душан Тадич ассистентлик қилди. 29-дақиқада Лукас Васкес жароҳат олди ва ўрнига Гарет Бэйл захирадан майдонга тушди. 35-дақиқада эса «Қироллик клуби»нинг яна бир ўйинчиси Винисиус Жуниор жароҳат олиб, ўрнини Марко Асенсиога бўшатиб беришга мажбур бўлди.
2-бўлимнинг 62-дақиқасида Душан Тадич ҳисобни йирик кўринишга олиб келган бўлса, 70-дақиқада Марко Асенсио ҳисобни қисқартирди (3:1). Орадан икки дақиқа ўтиб Лассе Шёне жарима зарбасидан Тибо Куртуа дарвозасини ишғол қилди (4:1).
90+3-дақиқада эса Начо Фернандес қўполлиги сабаб ҳакам томонидан қизил карточка билан сийланди.
Шу тариқа Мадрид клуби ўз майдонида «Аякс»га йирик 1:4 ҳисобида (умумий ҳисоб 3:5) мағлуб бўлди ва мусобақадаги юриши тўхтатди.
ЕЧЛ
1/8 финал баҳслари
5 март, сешанба
«Боруссия Дортмунд»—«Тоттенҳэм» 0:1 (0:3)
Гол: 0:1 — 49 Кейн«Реал Мадрид»—«Аякс» 1:4 (2:1)
Голлар: 0:1 — 7 Зиёш, 0:2 — 18 Нерес, 0:3 — 62 Тадич, 1:3 — 70 Асенсио, 1:4 — 72 ШёнеЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)