Ўзбекистонлик таэквондочи қиз Эронда ўтказилган мусобақанинг энг яхши спортчиси бўлди

Эроннинг Фажр шаҳрида ўтказилган «Fajr Open» халқаро мусобақасида ўзбекистонлик таэквондочи қизлар ҳам иштирок этди. Бу ҳақда МОҚ хабар берди.

Мусобақада ўзбекистонлик спортчилар 3 та олтин, 2 та кумуш ва 2 та бронза медалларини жамғарди. Таъкидлаш жоиз, -53 кг вазн тоифасида олтин медални қўлга киритган Чарос Қаюмова ташкилотчилар томонидан мусобақанинг энг яхши спортчиси, дея эътироф этилди.

Бундан ташқари Ўзбекистон аёллар терма жамоаси умумжамоа ҳисобида иккинчи ўринни қўлга киритди.

Мусобақада юқори ўринларни эгаллаган спортчилар:

• Мадина Маннопова (-49 кг вазн тоифасида) — 2-ўрин
• Чарос Қаюмова (-53 кг) — 1-ўрин
• Феруза Садиқова (-62 кг) — 1-ўрин
• Нигора Турсунқулова (-67 кг) — 1-ўрин
• Светлана Осипова (+73 кг) — 2-ўрин

• Валентин Хегай (-54 кг) — 3-ўрин
• Никита Рафалович (-74 кг) — 3-ўрин