Ўзбекистонда 2019 йилнинг 1 июлидан лицензияланган таксиларга нисбатан бир қатор янги талаблар кучга киради. Бу ҳақда Ўзбекистон Республикаси Президентининг «Юк ва йўловчи ташиш тизимини тубдан такомиллаштириш чора-тадбирлари тўғрисида»ги қарорига таяниб, «Podrobno.uz» хабар бермоқда.
2019 йил 1 июлдан бошлаб ўрнатиладиган тартибга мувофиқ:
йўналишли таксилар учун талаб этилувчи тўлов терминаллари, таксометр ҳисоблагичлар ва радиоалоқа қурилмалари алмаштирилаётган ускуналар функцияларини таъминлайдиган махсус иловаларга эга қурилмалар (мобил телефонлар, планшетлар, электрон тўлов тизимлари) билан алмаштирилиши мумкин;
йўналишли таксига қонунчилик билан талаб этилувчи рангни ўзи ёпишувчи материаллардан фойдаланиш йўли билан бўяш заруратисиз бериш;
йўналишли такси сифатида ишлатилувчи ва ташқи ҳамда ички безак ягона белгилари билан жиҳозланган енгил автомобиллар йўналишли транспорт воситалари ҳаракатининг махсус йўлагидан юриши, шунингдек, «Тўхташ тақиқланган» белгиси амал қилувчи жойда тўхташи мумкин;
халқаро автомобиль ташувлари учун хорижий/кўп томонлама рухсатномалар олиш учун ариза қабул қилинган кундан эътиборан бир иш куни мобайнида кўриб чиқилади.
Бундан ташқари, Мирзиёев Транспорт вазирлигига бир ойлик муддатда Ички ишлар вазирлиги билан ҳамкорликда енгил автомобилларда йўловчи ташиш фаолиятини амалга ошириш ҳуқуқини берувчи лицензияга эга юридик шахслар инвентаризациясини ўтказиш вазифасини юклади.
Изоҳ (0)