«Манчестер Сити» Англия Лига Кубогининг финал баҳсида «Челси»ни мағлубиятга учратди (0:0, пенальтилар серияси — 4:3).
Бу «шаҳарликлар» бош мураббийи Хосеп Гвардиола учун мазкур клуб билан қўлга киритган 4-соврини ҳисобланади.
Мазкур соврин 48 ёшли каталониялик мутахассиснинг мураббийлик фаолияти давомидаги 25-ютуғи бўлди. Бунга қадар Гвардиола 14 марта «Барселона» клуби билан, «Бавария» билан эса 7 марта совринга эга чиққан.
Гвардиола бу борада «Манчестер Юнайтед» собиқ бош мураббийи Жозе Моуриньога етиб олди. Португалияликнинг ҳисобида ҳам 25 та соврин мавжуд.
Европанинг Топ-5 лигасида қўлга киритган совринлари сони бўйича «Наполи» устози Карло Анчелотти мураббийлар орасида 3-ўринда бормоқда (20 та соврин).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)