Uzbekistan Airways ва Boeing корпорацияси Boeing-787 Dreamliner самолётлари шассисини тезкор алмаштириш дастури бўйича шартнома имзолади. Бу ҳақда «Дарё»га компания матбуот хизмати хабар берди.
Ушбу дастур техник хизмат кўрсатиш вақтини сезиларли даражада қисқартириб, авиакомпанияга самолётларни тезроқ хизматга қайтаришга ва асосий эътиборни фаолиятга қаратишга ёрдам беради.
Дастур доирасида ташувчи жорий ёки капитал таъмирга муҳтож бўлган шассини Boeing’нинг бошқа сертификатланган шасси тўплами билан алмаштириши мумкин.
Бунинг учун оператор шартнома тузиши, режалаштириши ёки капитал таъмирлаш жараёнини бошқариши шарт эмас.
Uzbekistan Airways 2016 йилда Boeing-787 самолётини ишга тушириб, Марказий Осиёда илк Dreamliner мижозига айланган.
Шу йилнинг ўзида миллий авиакомпания Boeing билан биргаликда Тошкентда самолётларни компонентларини таъмирлаш марказини очган.
Бугунги кунда авиакомпаниянинг учта «Орзу лайнери» бор, 2020 йилгача эса яна учта самолётни олиш режалаштирилган.
Изоҳ (0)