8 февраль, жума куни Миллий олимпия қўмитасида Ўзбекистон теннис федерациясининг навбатдан ташқари ҳисобот-сайлов конференцияси бўлиб ўтди. Бу ҳақда МОҚ расмий сайти хабар берди.
Конференция кун тартибидан ўрин олган энг асосий масала федерацияга бош котиб сайлашдан иборат эди. Ушбу лавозимга ўзбек тенниси вакили, бугунги кунда Ўзбекистон аёллар терма жамоаси сардори сифатида фаолият олиб бораётган Ирода Тўлаганова номзоди илгари сурилди. Йиғилиш иштирокчилари бир овоздан кўрсатилган номзодни қўллаб-қувватлади. Шу тариқа Ирода Тўлаганова Ўзбекистон теннис федерацияси бош котиби лавозимига сайланди.
Авваламбор ,билдирилган ишонч учун миннатчилик билдирмоқчиман. Федерациямиз раиси, бош котибига ҳам раҳмат. Айнан уларнинг қўл остида мен Ирода Тўлаганова сифатида танилганман. Бунгача улар томонидан катта ҳажмдаги иш олиб борилган. Менга билдирилган ишончдан миннатдорман. Федерациямиз ривожланиши учун қўлдан келган барча ишни қиламанИрода Тўлаганова
Маълумот учун, Ирода Тўлаганова теннисчилик фаолияти давомида яккалик баҳсларида 3 та WTF, 3 та ITF мусобақаларида ғалаба қозонган. Жаҳон рейтингида 16-ўрингача кўтарилган. «Ўзбекистон ифтихори» фахрий унвони, «Шуҳрат» медали соҳибаси.
Эслатиб ўтамиз, бунгача мазкур лавозимда Игорь Шепелев 20 йилдан ортиқ вақт давомида фаолият олиб борган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)