Европа Иттифоқи ва Уругвай Венесуэла бўйича халқаро алоқа гуруҳининг биринчи вазирлик йиғилишини ўтказади. Бу ҳақда Европа Иттифоқи дипломатик хизматига таяниб, «Газета.ru» хабар бермоқда.
Учрашув 7 февраль, пайшанба куни Монтевидеода бўлиб ўтади.
«Монтевидеода бўлиб ўтадиган йиғилиш вазирлар даражасида ўтказилади», — дея аниқлик киритилади Европа дипломатияси раҳбари Федерика Могерини баёнотида.
Алоқа гуруҳининг мақсади Венесуэлада сиёсий ва тинчлик жараёни учун шарт-шароит яратишдан иборат. Бу мамлакат фуқароларига унинг келажагини эркин сайловлар йўли билан белгилаш имконини беради.
Унда Европа Иттифоқи ва унга аъзо саккиз давлат (Германия, Испания, Италия, Нидерландия, Португалия, Буюк Британия, Франция ва Швеция), шунингдек, Лотин Америкаси мамлакатлари (Боливия, Коста-Рика, Уругвай ва Эквадор) вакиллари иштирок этади.
Изоҳ (0)