Forbes журналининг ҳисобига кўра, АҚШ президенти Дональд Трамп 2018 йилда 35 миллион долларга тенг кўчмас мулк объектларини сотди. Бу ҳақда «Корреспондент.net» хабар берди.
Таъкидланишича, ушбу сумманинг ярмидан кўпи, яъни 20 миллион доллар Нью-Йоркдаги турар жой мажмуаси савдосидан олинган. Яна Лас-Вегасда жойлашган миноранинг ички объектларининг савдосидан 5,5 миллион доллар тушган.
Forbes таҳминича, ҳозирда Трампнинг яна 437 миллион долларга тенг кўчмас мулки бўлиши мумкин.
Олдинроқ Трамп сўнгги йилларда катта мол-мулкдан маҳрум бўлганидан нолиганди. Бунга сабаб қилиб бир вақтнинг ўзида ҳам бизнес юритиш, ҳам президентлик қилиш иложсиз эканини кўрсатган.
Изоҳ (0)