Осиё Кубоги—2019. Қирғизистон Хитойга ютқазиб қўйди
7 январь, душанба куни футбол бўйича Осиё Кубогининг 1-тури доирасида навбатдаги учрашув ўз ниҳоясига етди.
Жумладан, «C» гуруҳининг илк ўйинида Хитой терма жамоаси Қирғизистон термаси билан курашга киришди. Учрашувнинг 42-дақиқасида Қирғизистон терма жамоаси аъзоси Аҳлиддин Исроилов ҳисобни очган бўлса (1:1), 50-дақиқага келиб Павел Матяш ўз дарвозасини ишғол қилиб қўйди (1:1).
2-бўлимнинг 78-дақиқасида Жингдао Жин ўрнига захирадан майдонга тушган Ю Дабао Қизғизистон дарвозасига гол урди ва жамоасига 3 очко тақдим этди.
Гуруҳнинг иккинчи ўйинида яна бир дебютант Филиппин терма жамоаси мусобақа фаворитларидан бири Жанубий Корея термасига қарши майдонга тушади. Ўйин 18:30 да бошланиши белгиланган.
Осиё Кубоги—2019
«C» гуруҳи, 1-тур
7 январь, душанба
Хитой — Қирғизистон 2:1.
Голлар: 0:1 — 42 Аҳлиддин Исроилов, 1:1 — 50, автогол, Павел Матяш, 2:1 — 78 Ю Дабао.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
