Wizz Air самолётини яшин урди

Польшадан Норвегияга парвоз амалга ошираётган Венгриянинг Wizz Air авиакомпанияси самолётини яшин урди. Бу ҳақда «Корреспондент.net» хабар берди.

Гданьск—Ставангер (Норвегия) йўналиши бўйича парвоз қилаётган самолётни 3 январь куни яшин урди. «Хавфсизлик чораларига риоя қилиб самолёт Гданьскка қайта қўнди. Қўниш муаммоларсиз амалга оширилди», — дейилади хабарда.

Йўловчи самолёти Wizz Air авиакомпаниясига қарашли бўлиб, қўниш одатий тартибда амалга оширилди. Ҳодиса оқибатида ҳеч ким жабрланмаган.