«Дарё» таҳририятига Фарғона вилояти Қувасой шаҳридан Эътиборхон Мамажонова 2,5 ёшли фарзанди юрак порогидан азият чекаётгани, уни даволатишга эса оиланинг қўли калталик қилаётганини айтиб, мурожаат қилди.
Уч фарзанднинг онаси Эътиборхон Мамажонованинг ҳикоя қилишича, 2016 йил 6 июлда таваллуд топган учинчи фарзанди Азаматжон Холматов юрак порогининг оғир формаси билан туғилган.
Болакай тез чарчаб қолади. Иштаҳаси йўқ. Тирноқлари ва лаблари кўкарган. Соғлиғи кундан кунга ёмонлашмоқда.
Туғилган кунидан бери дард билан олишаётган болакай худди катта инсонлардек жиддий. Мурғак боланинг кўзларида болаларга хос бўлмаган сўниқлик акс этган.
Бемор боланинг отаси ишлайди. Онаси уй бекаси. Азаматжон туғилганидан буён жуда кўп вақтини вилоят ва пойтахт кардиология касалхоналарида ўтказган. Мутахассисларнинг қарорига кўра, унинг соғайиб кетиши учун жарроҳлик операсияси тез орада ўтказилиши керак экан.
Бугун тиббиёт ривожланган, кўп касалликлар Ўзбекистоннинг ўзида ҳам даволанмоқда. Азаматжоннинг юрагини операция қилиш керак.
Оила яқинда Тошкент шаҳрида жойлашган Akfa Medline хусусий тиббий муассасасига мурожаат қилган. Шифокорларнинг тушунтиришларича, Азаматжонни икки марта операсия қилиш талаб этилади.
«Биринчи жарроҳлик амалиёти 27 миллион 900 минг сўм, иккинчиси 40 миллион сўм, барчаси 67 миллион 900 минг сўм бўлади, дейишди», — деди Азаматжоннинг отаси.
Оиланинг моддий таминотининг ночорлиги болакайнинг даволанишига, операсия бўлишига имкон бермаяпти.
«Операсия нархи жуда қимматлиги сабаб бундай катта миқдордаги маблағни тез орада ишлаб топа олмаймиз ҳам. Операсиягача бу пулни тўплай олмаймиз. Шунинг учун ёрдам сўраб яхшиларга мурожаат қилишга мажбур бўляпман.
Саховатли инсонлардан шу ўғлим Азаматжоннинг операсия бўлиб соғайиб кетишида, имкон қадар холис моддий ёрдам беришларини илтимос қилиб қоламан. Қўлларидан келганича, имкониятлари борича холис моддий ёрдам берсалар мингдан минг бор миннатдор бўлардим»,— дейди онаси Эътиборхон Мамажонова.
Боланинг жажжи юраги шифо топишига ҳисса қўшайлик!
Хайрия қилмоқчи бўлганлар учун қўшимча маълумотлар:
Пластик карта орқали (Click, Payme)
Отаси Мамажонов Хатам Халматович номига очилган
Агробанк: 8600 0423 0992 5872
Хориждан маблағ юбормоқчи бўлганлар учун паспорт маълумотлари:
Мамажонов Хатам Халматович
Паспорт рақами: АА 1853775
Отаси Хатам Мамажоновнинг телефон рақами: +99893 645 29 47 (кундуз кунлари иш билан бўлиб, телефонга ўз вақтида жавоб беролмаслиги мумкин).
Беморнинг акаси Жаҳонгирнинг телефон рақами:
Telegram: +99893 645 39 89
Изоҳ (0)